Main dhoonti hoon...
tumhare lafzon mein chupi khamoshiyon ke beech,
kahin woh khamoshi meri khamoshi se jud jaaye...
Main dhoonti hoon...
tumhare chehre ke badalte hue jazbaaton ke beech,
kahin pal bhar ke liye woh pyaar par ruk jaayein…
Main dhoonti hoon...
tumhari saari unn ankahi baaton ke beech,
kahin woh tumhe mujh tak le aayein…
Main dhoonti hoon...
tumhari aankhon ki gehraiyon ke beech,
kahin wahan mujhe tumhari rooh nazar aaye…
Main dhoonti hoon...
tumhari rooh ki nooriyon ke beech,
kahin unn mein mujhe khuda mil jaaye…
Today
4 years ago
No comments:
Post a Comment